|
|
جيت متاخر
جى انهردة بتندم .......... وعايز تعاهدنى
جى انهردة بتحلف ........ ونفسك تساعدنى
مع الاسف جيت متاخر مع الاسف انا مش هقدر
سنين وانا بتمناك ..... بترجاك تسمعنى
ف الاول كان صعب ان ابدا الحياة من غيرك
ونسيت ان فى رب ف ايدة النجاة وف ايدة مصيرك
خوفى مالمستقبل دفعنى لقرار نسيانك وبعدك
خوفى شبابى يدبل خلانى اخاف لا العذاب يهزمنى
مع الاسف جيت متاخر مع الاسف انا مش هقدر
العذاب اللى شوفتة ف عهدك .....علمنى
بناس تانية اتقابلت واكتشفت ان ظلمت نفسى معاك
معاهم طوفت وشوفت حاجات كتيرة مش موجودة جواك
نسونى ماضية ف لحظة وكل شىء شوفتة ف دنياك
وبقيت ف نظرى غلطة منها اتعلمت وحقيقى غيرتنى
مع الاسف جيت متاخر مع الاسف انا مش هقدر
مش هسامح ولا ارجع .... مهما اترجتنى
انسى خلاص بجد ان ارجع او لدمعك اسلم
مش هصدق اى وعد ياما وعدت وصدقت اتارينى بحلم
كمل مشوارك لوحدك وحيد حزين عايش بتندم
كنت الماضى وذكرياتك لكن الحاضر مش ليك صدقنى
مع الاسف جيت متاخر مع الاسف انا مش هقدر
دى حياتك ودى حياتى ...... ياريت تفهمنى
الشاعر
محمد زيدان
الشاعر
محمد زيدان
الأعضاء المٌسجلون فقط يٌمكنهم إضافة تعليقات
[ التسجيل | دخول ]
|
|
|
أضف خبرًا فنيًا أكتب مقالا على ديدالوم
 |
