مبقتش اتاثر ولا بضعف. وعمرى ليك ما هحن
غلطتى مالاول انى امنتك واحسنت بيك الظن
على انك ملاك عاملتك ودى كانت خطيئتى
ودلوقتى بصلحها برفضى لقلبك لما رجعلى وحن
**********
عمرى ما هعيد علاقه انت بنفسك كنت مصر
على نهايتها ف اصعب ظرف حبيبك فيه بيمر
حاولت اراجعك الف مره بكل وسعى وطاقتى
ومن وقتها وانا مستنى عدل ربنا بفارغ الصبر
************
مستنى اليوم اللى تندم فيه واعتبارى يترد
والحب اللى كان اسمى اهدافى يتقابل بالرفض
برفض احيائه وبصده لاسباب خارج ارادتى
عمر ماعزه نفسى هتقبل يتجدد بينا اى عهد
*************
مع اول اختبار مر بعلاقتنا سقط قناع الكدب
وبساطه اتخليت عنى لما اشتد عليه الحرب
عمرى ماهنسى هيفضل محفور فى ذاكرتى
ان حبى الاول والاخيرغدربيا ف موقف صعب
**************
مبقتش اتاثر ولا بضعف ولا حضنى هيرجع يضم
مع ان وجودك ف حياتى بالنسبه ليا كان حلم
بس خلاص مضطر ارفضه مع ان معاة سعادتى
مع ان كل حاجه فيا بتحبك لكن كرامتى اهم
**************
الشاعر : محمد زيدان لمزيد من اعمال الشاعر:
اضغط هنا
الأعضاء المٌسجلون فقط يٌمكنهم إضافة تعليقات
[ التسجيل | دخول ]