بتكلفة محدودة جداً ممكن تعمل صور رائعة خاصة في تصوير الأفراح والبورتريه والفيديو prism photography

بتكلفة محدودة جداً:
ممكن تعمل صور رائعة خاصة في تصوير الأفراح والبورتريه والفيديو prism photography

 

التصوير باستخدام المنشور الزجاجي مجال مبهر جداً من مجالات التصوير، وممكن الاستفادة بيه علشان يؤدي وظائف كتير جداً منها على سبيل المثال:

- في ال wedding photography أو في ال photo session لما تكون الدنيا دوشة في الخلفية؛ قرايب العروسة بيعملوا مكياج، ولا انت بتصور في مكان عام، أو سياحي، والوفود رايحة جاية.. تقدر تعزل الشخص اللي بتصوره العروسة و العريس مثلا، أو حتى فنان ما مطرب أو مطربة أو غيره على المسرح أو العروسين في رقص رومانسي مثلاً.. تقدر تعزل اللي انت عاوزه عن كل المحيط.

- تقدر تعمل صورة أشبه بالحلم، بعيدة عن الواقع، وفيها نعومة ورومانسية، مباشرة من الكاميرا بدون أي برامج تعديل زي ال فوتوشوب أو لايت روم هتستغرق وقت كتير ومجهود علشان تعمل الصورة اللي في خيالك.. بالمنشور ممكن توصل لصورة أبعد من خيالك كمان.

- المنشور ممكن يستخدم كمرشح مرآوي mirror filter لتكرار الصورة بطرق مختلفة.

- تقدر عن طريق المنشور إثراء الصورة لما تكون فيها مصادر إضاءة محدودة، أو معظم الصورة مظلمة، المنشور هيساعد على انتشار الضوء في المحيط، وإضافة تفاصيل شيقة للمناطق المظلمة.

- مناطق الإضاءة الساطعة في الصورة واللي تعتبر مناطق مزعجة ممكن تبوظ الصورة هتتحول لمناطق إبداع غير متوقع.

- المنشور ممكن يوضع أمام الإضاءة، وفي الحالة دي هنحصل على تأثير من ألوان الطيف، ممكن يستخدم كخلفية مثلاً.

وحاجات تانية كتير ممكن يساعدك فيها المنشور الزجاجي، وكل اللي محتاج تعرفه كنوع من قواعد الاستخدام:
1- استخدم أوسع فتحة عدسة.
2- الفوكاس يدوي مش أوتو.
3- يفضل تكون الكاميرا محمولة علشان تعرفك كل الإمانات المتنوعة للصورة والألوان.
4- احترس لزاوية المنشور، لأنها ممكن تتسبب في ظهور ساقك ومن خلف الكامير من زاوية محددة.

تستطيع زيارة موقع ديدالوم من خلال هذا الرابط: www.dedalum.at.ua
ولا تنس الاشتراك في القناة من هنا

 

 

دخول:

• إرسال

لنشر مقالك هنا.. اضغط اللنك 

إذا لم تكن عضواً في ديدالوم سجل الآن، اضغط هناااا