فــــــــــ حياتها ـــــــــــى للشاعر محمد زيدان تباً للسرطان.. قصة حب مع فتاة مصابة بسرطان

Total online: 2

Guests: 2

Users: 0

كرامتى أهـــم

فــــــ حياتها ــــى
هاكون كداب ان قولت قدرت انساها
او عرفت للحظه اعيش من غيرها
خدعت نفسى بانى انا صح يوميها
يوم ماقررت ابعد باختيارى واسيبها
ورفضت اخش بكل عند فى عتاب معاها
وبكل بساطه اتحديت قلبى ومشاعرى لاغيتها
غرنى احساسى ان انا هنساها فى بحر ثوانى
بكتيروا قوى يوم ماهتعب هتكون دقايق
وبعد فترة بدات احس بانها نقصانى
وان دورها فى حياتى كان ليه علامه وفارق
سابت فراغ عجرت املاه مع اى حد تانى
وقرارى بابعادها عنى كان مالاول قرار خاطىء
فى حياتها
سعادتى وراحتى وكل حاجه كانت تخصنى
كانوا فى المقام الاول فى قايمه اهدافها
وقفت فى ضهرى كتير وده اللى قاتلنى
ومخلى ضميرى يوميا بيردلها اعتبارها
فى حياتها
مفكرتشى تبعد مرة او فى مره اتخلت عنى
فى عز ماكان ظروفى مفيش مخلوق يتحملها
******************
بعد منها دخلت فى ميت تجربه وعلاقه
ومفيش علاقه قدرت تحرك احساس فيا
وكان مشاعرى رافضه تحول اى صداقه
لقصه حب اعيش معاها بصورة طبيعيه
فشلت انسى وحاولت ارجع بالف طريقه
بس كان خلاص انقطع كل خيط ربطها بيا
هى معاها كل دوافعها وكل اسبابها الخاصه
اللى ساعدتها بكل الطرق وكل الوسايل
انها ترمى ماضيها وترجع تعيش وتنسى
وتخرجنى من حسابتها بشكل نهائى وكامل
ومع الزمن تبقى حكايتنا مجرد قصه
فيها طرف حب بقوة وطرف باع بالساهل
فى حياتها
ازهى فترات عمرى اللى كانت فيها بتشاركنى
ومستعد اضحى بعمرى مقابل رجوع ثانيه منها
والحب اللى كان فى ايديا يبقى فى محل التمنى
وافهم متاخر انها كانت انسانه فريده من نوعها
فى حياتها
كان لازم ومن العدل تنجح ف الحياه بعد منى
وانا افضل عايشها بشكل مؤقت
او بمعنى اصح ... ماجلها
فى حياتها
هاكون كداب ان قولت نسيتها
او عرفت اعيش من غيرها
الشاعر : محمد زيدان

للمزيد من اعمال الشاعر:
https://www.facebook.com/%D9%85%D8%AD%D9%85%D8%AF-%D8%B2%D9%8A%D8%AF%D8%A7%D9%86-105097921264538/

 

 

دخول:

• إرسال

لنشر مقالك هنا.. اضغط اللنك 

إذا لم تكن عضواً في ديدالوم سجل الآن، اضغط هناااا