فــــــ حياتها ــــى
هاكون كداب ان قولت قدرت انساها
او عرفت للحظه اعيش من غيرها
خدعت نفسى بانى انا صح يوميها
يوم ماقررت ابعد باختيارى واسيبها
ورفضت اخش بكل عند فى عتاب معاها
وبكل بساطه اتحديت قلبى ومشاعرى لاغيتها
غرنى احساسى ان انا هنساها فى بحر ثوانى
بكتيروا قوى يوم ماهتعب هتكون دقايق
وبعد فترة بدات احس بانها نقصانى
وان دورها فى حياتى كان ليه علامه وفارق
سابت فراغ عجرت املاه مع اى حد تانى
وقرارى بابعادها عنى كان مالاول قرار خاطىء
فى حياتها
سعادتى وراحتى وكل حاجه كانت تخصنى
كانوا فى المقام الاول فى قايمه اهدافها
وقفت فى ضهرى كتير وده اللى قاتلنى
ومخلى ضميرى يوميا بيردلها اعتبارها
فى حياتها
مفكرتشى تبعد مرة او فى مره اتخلت عنى
فى عز ماكان ظروفى مفيش مخلوق يتحملها
قصيده شعر عاميه بعنوان كرامتى اهم للشاعر محمد زيدان
مبقتش اتاثر ولا بضعف. وعمرى ليك ما هحن
غلطتى مالاول انى امنتك واحسنت بيك الظن
على انك ملاك عاملتك ودى كانت خطيئتى
ودلوقتى بصلحها برفضى لقلبك لما رجعلى وحن
**********
عمرى ما هعيد علاقه انت بنفسك كنت مصر
على نهايتها ف اصعب ظرف حبيبك فيه بيمر
حاولت اراجعك الف مره بكل وسعى وطاقتى
ومن وقتها وانا مستنى عدل ربنا بفارغ الصبر
************
مستنى اليوم اللى تندم فيه واعتبارى يترد
والحب اللى كان اسمى اهدافى يتقابل بالرفض
برفض احيائه وبصده لاسباب خارج ارادتى
عمر ماعزه نفسى هتقبل يتجدد بينا اى عهد
*************
مع اول اختبار مر بعلاقتنا سقط قناع الكدب
وبساطه اتخليت عنى لما اشتد عليه الحرب
عمرى ماهنسى هيفضل محفور فى ذاكرتى
ان حبى الاول والاخيرغدربيا ف موقف صعب
